Að loknum saumó
Sko til!
Saumóinn var náttúrlega BARA snilld! Hið óvænta var sem sagt graskersútskurður sem enginn nema gestgjafinn hafði reynt áður. Mr. Grasker varð óhemju vinsæll á mínu heimili og þótti gríðarlega merkilegt að geta horft á kertaljósið í gegnum munninn og nefið á honum!
Ég fór svona "hefðbundnar" leiðir í mínum útskurði (hugmyndaflugið að drepa mig) en húsráðandi var kannski frumlegust og skar út kött! En sem sagt Mr. Grasker fékk að vera inni hjá okkur fram á föstudag en þá var honum úthýst á afar virðulegan hátt. Hann fékk nýtt kerti og lýsti upp föstudagsnóttina og var síðan samferða heimilisfólki niður í rusl (enda farinn að mygla) og þaðan á vit örlaga sinna!
Nú veitingarnar voru náttúrlega ljómandi, ljómandi góðar og þeim voru gerð góð skil samkvæmt venju!
Nú, það var svo sem ekki mikið um slúður en tilkynningar voru á sínum stað! Það var nú reyndar "yours truly" sem sá kannski um þær sem voru mest "djúsí"!! Skemmtilegt að sjá andlitin detta af svona mörgum í einu! Þarna var líka farið yfir og það staðfest í eitt skipti fyrir öll að ég er lélegasti lygari í HEIMI!!
En... hvað um það! Síðan hefur nú líka ýmislegt gerst! Auður litla er hætt hjá dagmömmunni. -Sniff sniff- Mamman er gersamlega miður sín! Ég hefði svo innilega viljað hafa hana áfram þar fram á sumar því dagmamman er vægast sagt yndisleg. Auður byrjaði síðan á mánudaginn í aðlögun á leikskólanum sem hún er búin að fá pláss á. Hún er þar í aðlögun ásamt þremur öðrum börnum á svipuðu reki. Það er ekki mikil reynsla komin á það hvernig það gengur allt saman en ég geri bara ráð fyrir að það gangi vel. Við eigum að mæta kl. 8:30 í fyrramálið og borða morgunmat þar í fyrsta sinn! Það verður áhugavert...
Annars er hún farin að tala heilmikið, segir ðððjjjaaaááá með tilþrifum þegar hún er sátt og NEI af mikilli sannfæringu þegar henni mislíkar eitthvað!
Camilla (eða Pama á "Auðísku") tilkynnti mér í kvöld þegar ég kallaði hana "gullið mitt" að hún væri ekki "gullið mitt" heldur væri hún "sparisjóður"!! Ég veit ekki alveg hvort mér þykir það fallegt gælunafn en... kannski má bara venjast því!
Annars held ég að þetta sé komið gott af fréttum í bili!
Saumóinn var náttúrlega BARA snilld! Hið óvænta var sem sagt graskersútskurður sem enginn nema gestgjafinn hafði reynt áður. Mr. Grasker varð óhemju vinsæll á mínu heimili og þótti gríðarlega merkilegt að geta horft á kertaljósið í gegnum munninn og nefið á honum!
Ég fór svona "hefðbundnar" leiðir í mínum útskurði (hugmyndaflugið að drepa mig) en húsráðandi var kannski frumlegust og skar út kött! En sem sagt Mr. Grasker fékk að vera inni hjá okkur fram á föstudag en þá var honum úthýst á afar virðulegan hátt. Hann fékk nýtt kerti og lýsti upp föstudagsnóttina og var síðan samferða heimilisfólki niður í rusl (enda farinn að mygla) og þaðan á vit örlaga sinna!
Nú veitingarnar voru náttúrlega ljómandi, ljómandi góðar og þeim voru gerð góð skil samkvæmt venju!
Nú, það var svo sem ekki mikið um slúður en tilkynningar voru á sínum stað! Það var nú reyndar "yours truly" sem sá kannski um þær sem voru mest "djúsí"!! Skemmtilegt að sjá andlitin detta af svona mörgum í einu! Þarna var líka farið yfir og það staðfest í eitt skipti fyrir öll að ég er lélegasti lygari í HEIMI!!
En... hvað um það! Síðan hefur nú líka ýmislegt gerst! Auður litla er hætt hjá dagmömmunni. -Sniff sniff- Mamman er gersamlega miður sín! Ég hefði svo innilega viljað hafa hana áfram þar fram á sumar því dagmamman er vægast sagt yndisleg. Auður byrjaði síðan á mánudaginn í aðlögun á leikskólanum sem hún er búin að fá pláss á. Hún er þar í aðlögun ásamt þremur öðrum börnum á svipuðu reki. Það er ekki mikil reynsla komin á það hvernig það gengur allt saman en ég geri bara ráð fyrir að það gangi vel. Við eigum að mæta kl. 8:30 í fyrramálið og borða morgunmat þar í fyrsta sinn! Það verður áhugavert...
Annars er hún farin að tala heilmikið, segir ðððjjjaaaááá með tilþrifum þegar hún er sátt og NEI af mikilli sannfæringu þegar henni mislíkar eitthvað!
Camilla (eða Pama á "Auðísku") tilkynnti mér í kvöld þegar ég kallaði hana "gullið mitt" að hún væri ekki "gullið mitt" heldur væri hún "sparisjóður"!! Ég veit ekki alveg hvort mér þykir það fallegt gælunafn en... kannski má bara venjast því!
Annars held ég að þetta sé komið gott af fréttum í bili!
