Netheimur Brynku

Þetta er búinn að vera erfiður dagur!
Kennarar voru látnir kyngja stolti sínu í dag með sömu aðferð og gæsunum í Fakklandi er gefið fóður! Það var einfaldlega tekið í hnefann og kýlt ofan í vélinda þannig að öll stéttin varð -gersvovel- að kyngja.
Hvað á það að þýða hjá ráðamönnum þjóðarinnar að ryðjast fram á sjónarsviðið eftir að hafa verið með mis háværar yfirlýsingar um það að þeim komi launadeila kennara og sveitafélaganna ekkert við, skella einu lagafrumvarpi á borðið og lýsa því svo yfir að þetta hafi verið neyðarúrræði!!! Var neyðin stærri í dag en í gær? Með þessu er sett lögbann á verkfall kennara og okkur gert að mæta til vinnu á mánudag og sinna okkar starfi án þess að fá eina krónu í launahækkun!!! HAAAAALLLLÓÓÓ... Ætlast ráðherrar landsins til þess að kennarar taki þessu með bros á vör? Jú, þetta er að vissu leyti skárra en miðlunartillaga ríkissáttasemjara sem lagði til launalækkun í ágúst... en... þar var þó lagt til að kennarar fengju eingreiðslu til að standa straum af þeirri tekjuskerðingu sem verður gerð á sumarlaununum okkar... þegar við höldum áfram að borga upp verkfallið!!!
Jú, lögin gera líka ráð fyrir að samninganefndir kennara og sveitafélaga setjist við samningaborði -aftur...já og aftur...og alveg þar til 15. DESEMBER....!!!! Þá á, að því gefnu að samningar hafi ekki náðst, að skipa í Gerðardóm sem á svo að ákvarða laun kennara fyrir 31. MARS!!!!
KRÆST..!!
Af hverju ættu samninganefndirnar að ná saman nú þegar kennarar eru "komnir aftur til starfa"... Halda ráðamenn að nú, þegar búið er að berja okkur inn í skólastofurnar aftur, komi til með að ganga betur að semja? Halda þeir að við munum slaka á kröfum okkar vegna þess að okkur sé gróflega misboðið? Nei, nei og aftur NEI...
Ég hélt ég ætti aldrei (og hér meina ég AAAALDREI) eftir að vera sammála Kolbrúnu Halldórsdóttur og Ögmundi Jónassyni á sama deginum.. en... sko til.. ég klappaði þeim á bakið og var fullkomlega sammála málaflutningi þeirra á Alþingi í dag!

Sumir hafa lagt til að kennarar vinni bara frá 8-16 eins og "venjulegt fólk". Sumir hafa jafnvel haldið því fram að það sé kennurum ofviða að vera í vinnunni á eðlilegum vinnutíma...
Daginn sem verður um það samið að ég geti unnið BARA frá 8-16 og lokið ÖLLU því sem ég þarf að gera innan þess vinnuramma... Þá, kæru vinir, ætla ég að bjóða öllum sem ég þekki í stóra og mikla veislu... En takið eftir... það yrði þá ekki fyrr en EFTIR kl. 16 á föstudegi!

Helgin er búin að vera ljómandi fín. Hrönn systir kom heim frá Frans á fimmtudag þannig að ég fór í mat til pabba bæði á fimmtudag og föstudag! Hrönn hafði ákaflega takmarkaðan tíma þannig að dagskráin var fremur þétt... en innihélt sem sagt dinner með systkinunum og ömmunum á fimmtudag og svo öllum krökkunum (þ.e. bæði við systkini og krakkarnir hennar Gerðar) ásamt mökum. Þannig að nú er Jón Einar búinn að sjá alla í fjölskyldunni minni!! -Og þar sem hann er enn á lífi og líður, að ég held, bara ágætlega þá getur þetta nú ekki verið svo slæmt!

Nú, á laugardag fórum við í flísa-leiðangur! Við þræddum búð úr búð að skoða flísar til að setja á eldhús, bað og forstofu! Ég fer ekkert ofan af því að það er fullt starf að vera að ákveða hvað á að fara inn í eina íbúð... Eftir að vera búin að skoða eeeeeendalaust af misfallegum flísum fórum við bara heim, elduðum og lágum svo í heilaafslöppun fyrir framan sjónvarpið fram eftir kvöldi! Sem sagt alveg ljómandi dagur...
Framkvæmdagleðin í dag hefur svo verið í lágmarki þannig að við skulum ekkert vera að tala um hann!!

Vikan framundan hefst á því að ég ætla að mæta til vinnu á morgun, kát og hress, en ætla svo bara ekkert að mæta í vinnuna á þriðjudag! Ef miðlunartillaga sáttasemjara verður samþykkt verð ég hvort eð er svo agalega hissa að ég verð hvort eð er inni á spítala í fullu starfi við að fá taugaáfall og verð þ.a.l. ekki vinnufær!!
Þegar verkfall verður hafið að nýju er ég að hugsa um að ljúka við verk sem ég byrjaði á í fyrri hálfleik... taka uppúr andsk... kössunum sem eru inni í eldhúsi og heita allir "samtíningur úr eldhúsi"... eða "restar úr eldhúsi". Þetta eru allt kassar sem dreggjar síðustu flutninga hafa farið í og undirrituð hefur hreinlega ekki haft nennu til að taka uppúr! En ég er búin að komast að því eftir að hafa farið í gegnum alla kassana sem á stóð "samtíningur úr tölvuherbergi" að manni líður ákaflega vel þegar búið er að taka uppúr þessum kössum og henda því sem ekki á heima hjá manni lengur!

EN.... fyrst af öllu ætla ég að fara að sofa!