Netheimur Brynku

Það er kominn nýr Weebl & Bob sketch.

Laugardagsbíltúrinn var sem sagt færður yfir á sunnudag sökum þess að frændurnir voru að handboltahetjast á laugardeginum.
Ferðalagið hófst sem sagt á því að smala liðinu saman í bílinn og keyra Krísuvíkurleiðina upp í Bláfjöll. Þetta vakti almenna lukku hjá farþegunum sem -eins og áður hefur komið fram- eru í yngri kantinum og finnst frænkan keyra um á e-u svakalegasta tryllitæki síðari tíma!!!
Nú eftir að vera búin að keyra alla leið upp í bláfjöll þá stoppuðum við, klæddum okkur aðeins betur og renndum okkur smá stund á snjóþotum og sleðum. Þegar það var búið skelltum við okkur í bæinn og keyptum ís áður en fyrri "jeppatúr" um Heiðmörknaa var endurtekinn!! Í Heiðmörkinni var svo aftur gert stopp við Maríuhellana og þeir skoðaðir...ööö...eða kannski ekki skoðaðir beint... Þetta varð meiri keppni um það hver gæti brotið flest grýlukerti á sem stystum tíma!!! Það sem skiptir samt mestu máli er að farþegahópurinn var mjög hamingjusamur með daginn... Eða eins og Hlynur sagði:
"Þetta er besti dagur lífs míns."