« Home | Hvers vegna heyrir maður aldrei svona... JIBBÍÍÍ þ... » | Andskotans skoðanakönnunin virkar ekki... -Og ég v... » | Ég var að koma af alveg sérlega skemmtilegum tónle... » | Jahá.. helgin sko... Hvað á að segja um svona h... » | Fólk er spegill samfélagsins og samfélagið er speg... » | Það er draugagangur á blogginu mínu!!!! Komment... » | Hvurslags vælutónn er þetta????? Ég setti hérna... » | Jahá.. Haldiði að það sé ástand núna maður!!! Hún ... » | Jæja... nú bloggar maður bara á hverjum degi eins ... » | Jahá... nú hefur heldur skipast í raðir þeirra sem... » 

föstudagur, nóvember 14, 2003 

Frædei...

Vinnuvikunni lokið og ég barasta komin alla leið á Egilsstaði!!
Hvar á maður að byrja... Það eru reyndar bara liðnir 3oghálfur dagur frá síðustu færslu en samt er búið að gerast alveg heill hellingur hjá mér!!

Sko.. á miðvikudagskvöldið fór ég í hellaskoðunarferð sem var alveg sérdeilis ánægjuleg. Þar var mér líka komið svo gersamlega á óvart að ég er ekki enn búin að ákveða hvað ég ætla að segja um þann atburð!! Þannig að þið fáið ekkert að vita meira um það...í bili allavega...
Nú svo á miðvikudagskvöldið kom ég heim og bara dreif í því að pakka niður fyrir tvö mismunandi ferðalög!!! Ójá... nú er barasta brjálað að gera í ferðalögunum maður!!!
Sko... á fimmtudagsmorguninn fórum við 3 kennarar með 36 nemendur út fyrir bæjarmörkin og gistum í Víkingsskálanum fyrir neðan Hengilinn. Meiningin var sem sagt -eins og má sjá í síðustu færslu- að fara í nokkurra tíma labb og koma sér svo aftur í skála og halda gleðinni áfram þar. Sökum mikilla rigninga sem og mikillar þoku varð nú gangan ekki alveg eins löng og áætlað var þannig að gleðin í skálanum varð bara lengri fyrir vikið!! Það var bæði sungið og leikið sér þar inni langt fram á nótt.. Eins var sögð kyngimögnuð draugasaga af þeim félögum Hans Schneller og Kurt Tiefer!!! -Hún verður sögð þeim sem hafa áhuga á við rétt tækifæri!!! Ágætlega heppnuð ferð í alla staði...
Nú, í morgun var svo bara skriðið á lappir um 10 leytið og farið að athuga með mannskapinn sem hafði nú haft meira úthald en við kennararnir!! Sumir kvörtuðu sáran yfir því að vera bara búnir "að sofa í tvo og hálfan tíma" þegar við fórum að ræsa menn og konur um kl. 10:30 í morgun!!! Þannig að eitthvað hefur nú verið sýslað inni í svefnskálanum í alla nótt!!!

Og svo komum við í bæinn...og ég skellti mér upp í flugvél sem flaug og flaug og flaug....alla leið á Egilsstaði!!! Þannig að nú er ég komin á Héraðið!!!
Tilgangurinn með þessari ferð er aftur á móti áfengisneysla og skemmtanahald!! Ég á svo dásamlegan vin hérna á Austurlandinu, Magnús -títt nefndan- sem ákvað að bjóða undirritaðri í skemmtiferð á Austurlandið...!! -Hafðu þökk fyrir það Magnús!
Ég segi svo frekar frá þeirri heimsókn síðar...

| |

Archives

Links

Powered by Blogger
and Blogger Templates Weblog Commenting and Trackback by HaloScan.com